Хьуна тӀахьожам лоаттабар чӀоагӀдаьд
04.09.2023 10:27
Ӏалама гӀулакхах йолча министерствон болхлоша хьуна лоаттабу тӀахьожам чӀоагӀбаьб. Ӏаьдала бокъонах дола каьхаташ доацаш, хьунагӀа чарахьал деш лелаларашца болх дӀакхухьаш латт. «Хьун боахама зе даь моттиг карарча хана гучаяьннаяц, бакъда тӀахьожам дӀахьош ба.
ДӀабахача бетта 19-ча дийнахьа денз, дӀайолаеннай хьунагӀа чарахьал де йиш йола ха. Чарахьал де бокъо яр ва, чарахьий каьхат долаш, герз леладе Ӏаьдало бокъо енна саг», — белгалдир цу гӀулакха тӀахьожам бераша.
Белгалде деза, хьун бокъонаш лораеш боацаш, шоай хьаштдар хьунагӀа леладераш Ӏаьдало бехктокхаме озаргболга, гӀод деттаргдолга. Бокъонца вола чарахь ва, хьун боахам лорабеш, Ӏалама зе хургдола хӀамаш юстардоахаш, Дала еннача Ӏалама хозала, берката хам беш вар.
