Ӏодаьча хана, бера хула лазараш гучадоах вай мехка
2023-ча шера денз, вай республике дӀахьош я Ӏодаьча хана бера хулаш дола лазараш гучадаха аьттув луш йола моттигера программа. Бераш 36 тайпара чакхдоахаш, малхадоалача хана хинна, генашца дӀа-хьа долхаш дола тайп-тайпара лазараш гучадоахаш бола болх ба цу юкъе чубодар.
Таханарча дийнахьа чакхдаьккхар 7 эзар совгӀа бер да. Белгалде деза, из гӀулакх боккха аьттув луш долга. «Сердало» газетага из хоам бир унахцӀенон гӀулакхех йолча министерствос. Таханарча дийнахьа зӀамигача шин бера фенилкетонурия гучадаьннад, тохкамо аьттув лу ханнахьа бера дарба доладе, тӀахьожам лоаттабе.
«Берашта хулаш дола тайп-тайпара лазараш да цу оагӀонца гучадоахараш. Программо таро лу республике санна, федеральни йоккхача моттигашка а лорашка чакхбала. Генетикаца дӀа-хьа долхаш дола лазараш, гаьна ца доалийташ, гучадаха аьттув лу цу программо. Уж лазараш гучадаьннача берашта доагӀаш дола дарба лоаттаде йиш хургья ханнахьа», - дийцар министерстве.
