ГӀалгӀайче чакхбаьккхар хьу тахкара болх
Хьу тохкаш дола балхаш дӀахьу, хьун-санитарни хьал довзара, лазараш дий хара, хьу малагӀча хьале я тахкара, цул тӀехьагӀа, цунна доагӀаш дола каьхаташ кийчду, дӀахойодача хана хьу санитарно-тоаяра дола балхаш дӀадахьара. Уж балхаш йистедаьхад дӀадехача беса ханнахьа, доагӀаш ма хиллара а дикал йолаш а. Цунах дийцар ГӀалгӀай Республикан Ӏалама министерствон зарбан болх лелабераша.
Карарча шера из болх дӀабихьар Шолжа, Наьсарен хьун даькъ тӀа Рослесзащита ГӀалгӀайчен филиала говзанчаша. «Ер шу дӀадоладелча денз, ГӀалгӀайчен хьун даькъа 1410 гектара тӀа уж балхаш дика йистедаьхад. Из дукха болх ба, моттигера еррига хьу чулоацаш.
Хьу тахкара юкъедахад хьу лораяра дола балхаш: къаьстта йола, санитарни хьу тедара лаьрхӀа моттиг белгалъяр; ца эшаш дола хьу тедаш дисса дахчаш дӀадахар», - аьлар Ӏалам лорадераша.
