Галашкара Даьттагӏа бодача новкъа къахьегаш ба, лаьтта ӏотакхар юстардоаккхаш
17.05.2026 00:59
Геттара чӏоагӏа догӏаш латтарах, лоаман моттигашка лаьтта ӏотекха болх хилар. Галашка - Даьттагӏе яхача наькъ тӏа этта хатар меттадоаладеш ба цу оагӏонцара болхлой. Лакхера ӏотекхача лаьтто никъ дӏакъайлабар машинашта новкъарле еш, иштта никъ бохабаьбар.
Цу оагӏонцарча министерствон болхлой оарцагӏбаьлар из гӏулакх меттадоаладе. «Асфальт тоабеш боахк болхлой. Наькъай гӏулакхех йолча министерствон хьалха латтача Хаматхананаькъан Батыра тӏахьожам беш, дӏахьош ба из болх. Хьатӏадоагӏача кӏира чакхбаккха лерхӏ беррига болх», - дийцар «Сердалога» цу моттигера.
Никъ меттабоалабар ма хулла сихагӏа кхоачашде дезаш да, хӏана аьлча дукха машинаш дӏа-хьа ухаш моттиг я из. Министерствон болхлоша лоралуш, фийла хилар дех цига гӏолла лелача нахага.
