Спорта федераце керда вице-президент оттавир
13.02.2024 09:46
Спорта федераце керда кулгалхо оттавир. Гаьгенаькъан Башира лелаергья из моттиг. Из хоам «Сердало» газетага бир спорта моттигерча викалаша.
«Ший лоӀамерча латарах вола спорта мастер, комплексни единоборство оалача оагӀон мастер ва таханарча дийнахьа Гаьгенаькъан Башир. Дуккхача шерашка спорта вахаре хам баь варгвоаца болх дӀахьош, лаьттав хӀанзалца из моттиг лелаеш хинна Янданаькъан Апти», - йоах тхогарча хоамо.
Моттигерча федераце президент волча Белхарой Руслана белгалдечох, панкратоин яхача спорта оагӀув вай мехка боаржабеш къахьегаргда кердача вице-президента.
