ХьажцӀа болхарашта моттигаш тӀатехай 1 442 кхаччалца
ГӏалгӀайчен Ӏаьдало барт бир хьажол де бахара хьалха хиннача 1 300 моттига меттел 1 442 моттиг е, яхаш, дийцар ГӏалгӀай Республикан Кулгалхочун, Паччахьалкхен зарбан-болх лелабераша.
ГӏалгӀайчен кулгалхочо Келаматанаькъан Махьмуд-Ӏаьлас аьлар СВО доакъашхой хьажол де бахийтара Саудовски Аравеца барт баь хиларах. Цу юкъе дукхагӀа доагӀаш да хьажол дара гостиницашка моттигаш хилийтар, иштта «Магас» аэропортера цига дӀайолхаш рейсаш хилийтар.
Хьалхара тоаба гӀоргья маьтсела бетта 20-ча дийнахьа. Келаматанаькъан Махьмуд-Ӏаьлас тӀахьийхар шоай ханнахьа наха декхар дӀалургдолаш, хьажол де болхаш царна новкъарло хургйоацаш, царца болх дӀабахьа безаш хилар.
«Хьажол - из хӀара бусалба сага тӀадилла параз да, цудухьа вай декхар да республикан бахархошта лерттӀа хьалаш вӀашагӀдохкар, цар таро хургйолаш Далла лерттӀа Ӏамал яь юхаберза. Аз теркаме ийцад из хаттар», - аьлар Мехкадас.
