Веннача бӀуна командира сийна, «Турпалхочун Парта» хьайийллар
Укх деношка, ГӀалгӀай мехка хьайийллар, веннача бӀухочун сийна, «Турпалхочун Парта», цунна еннаяр «Денал гойтарах», «ТӀема толам баккхарах» йола майдилгаш. Боканаькъан Мустафа вар 42-ча гвардейски мотострелкови дивизе 71-ча гвардейски сура командир, яхаш, дийцар «Сердало» газетага «Даьхен Лорбой» яхача ганза моттигерча филиала викала Новрбенаькъан Фаринас.
«ХӀанзчул тӀехьагӀа, тӀема декхар кхоачашдеш венна турпал вовзаргва Илдарха-ГӀалан №5 йолча юкъерча ишкола дешархошта.
Эпсарах болча дагалоаттама ди дӀахьош, дакъа лоацаш бар гаргара нах, паччахьалкхен, юкъарча цхьанкхетарий викалаш.
Хьалхарча аргӀагӀа парта тӀа хайшар дикагӀа дешаш бараш, иштта республикан олимпиаде котбаьннараш», - аьлар хоамо.
«Боканаькъан Мустафас хьагойта денал, майрал, ший Даьхе езаш хилар безача маьхе да. Вай сийдолча мехкахочох оаха дувц кхетаченашка, денала урокаш дӀахьош, дешархошта меттел студенташта а. Цун денал тӀехьа тӀадоагӀача вай ноахала масал да», - аьлар «Даьхен Лорбой» яхача ганза гӀалгӀай филиала кулгалхочо Оздой Муслима.
