Гӏалгӏайче, Халкъашта юкъера де доацаш бейнарий ди долаш, дагалоаттама болам хилар
Гӏалгӏайче, «Гӏоазота кашамаш» оалача моттиге, дагалоаттама болам дӏабихьар. Из хетабаь бар Халкъашта юкъерча де доацаш бейнача наьха денна. Цига дакъа лоацаш хилар СВО ветеранаш, «Даьхен лорабой» яхача ганза моттигерча филиала викалаш Барханой Лиля, вахара дешашца бувзабенна болх лелабу Темарханаькъан ӏийса, Куркъанаькъан Мухьмад, Султиганаькъан Ибрахӏим. Боламе иштта дакъа лоацаш бар Даьхен лорабой-лаьрххӏача операце ветеранаш Хьаьшанаькъан Руслан, Темарханаькъан Амиран, Мухлой Микаил. Доакъашхошта юкъе бар Гӏалгӏайчен Миннаца, республикан Юкъарлон палата, де доацаш бейнараш лахара новкъостал лоаттадеча Комитета, иштта КСВО моттигерча даькъа викалаш.
«Де доацаш бейнача СВО доакъашхой дезалаш хьаллацар - фонда керттера декхар. Оаха цу тайпара дезал хьаллоац, царна новкъостал лоаттаду ДНК дӏалуш, иштта психологически гӏо деш», - аьлар «Сердало» газетага ганза Гӏалгӏай филиала кулгалхочун гӏончас Барханой Лиляс.
Дагалоаттама сайре дӏахьош, йист ца хулача минотаца, иштта дуӏашца доакъашхошта дагабехар Даьхен бӏухой, де доацаш бейнараш.
Цу кхетачен лоархӏаме дакъа дар нах оалача дешаца хьаллацар, царна эшар хьалхадаккхар. Ганза викалий къамаьл хилар СВО доакъашхой гаргарча нахаца. Вахара моттигашца бувзабенна болх лелабераша хьоахадир; тӏема хьакимашца, лорашца, бокъонаш лораеча урхалленашца шоаш уж лохаш бувзам лелабеш хилар.
