ДегӀа могашал эшаеннача берашта лаьрхӀа, ЦНО тоаеш, боккха болх дӀабихьаб
ДегӀа могашал эшаеннача берашта лаьрхӀа, Дабе-Юрта дешара моттиг тоаеш, боккха болх дӀабихьаб мехка. Хьалха хинначул паргӀатагӀа, хозагӀа йолча гӀишлос ший наӀараш хьаелларгья хьатӀабоагӀача бетта 1-ча дийнахьа, ший лоархӀаме хьаьший тӀаэцаш. «Дикка болх дӀахьош, тоаяьй дегӀа могашал эшаеннача берий моттиг.
Деррига тоадеш, хувцаш баьхкаб цу чу. Бераш лувчаш, кулг-юхь дулаш йолча моттигашкара гӀирсаш хийцад, керда камераш ехкай, йӀовхал лоаттаю хӀамаш хийцай. ЙӀайхагӀа хургйолаш; пенашта юкъе хӀамаш увттаеш, наӀараш, кӀалхара кӀийле, лампаш хувцаш болх баьб. Цул совгӀа, дерригача коа а, хоза кулг тохаш, хувцамаш даьд», - дийцар «Сердало» газетага республикерча паччахьалкхе.
Паччахьалкхен хьалха латташ вола Сластенин Владимир ше хьежар, из болх мишта чакхбаьккхаб. Цхьаккха кхоачамбоацар юкъе доацаш, из гӀулакх йистедаьккхарашта раьза волаш хилар из. ДегӀа могашал эшаеннача берашта лаьрхӀа тайп-тайпара гӀирсаш оттадаьд цу моттиге. Маха баккха, цхьацца хӀамаш кулгашца хьае, дахчанца болх бе, иштта кхыдола балхаш де Ӏомадергда цу чу бераш.
ДегӀа могашал эшаеннача вай берашта мел эшар хургда цига; паргӀатта деша, къахьега, шоай начӀал дегӀадоаладе йиш я цар.
