ГӏалгӀай мехка кийчо еш ба «КИФ-2025» яхача кхетаченга
ГӏалгӀайче кийчлуш я Кавказа инвестицей кхетаченга, из дӀаяхьа лерхӀ маьтсела бетта 25-27 деношка Минеральни Воды оалача шахьаре, республико лаьрхӀад цига лоархӀамеча каьхаташта кулгаш язде, ГӀабартой-Балкхарой мехкаца, Селий мехкаца барт беш.
«Цхьана оаха кхоачашдергда вахара, экономически декхараш,тоаергья мехка таронаш», - аьлар Келаматанаькъан Махьмуд-Ӏаьлас.
Цхьана болх дӀабахьаро таро лургья промышленноста, экономикан, унахцӀенон, культуран, туризма хьалаш тоаде, иштта гонахьарча Ӏалама хаттараш дикагӀа кхоачашде. Селий мехкаца дувцаргда хьун боахама дешаш.
Белгалду, 2025 шерарча кхетачен керттера тема я «Инвестицей никъ: Дӏадахар. Дар. Хургдар». Цу моттиге лоархӀаме дакъа дӀалоацаш хургда Сийлахь-боккхача Даьймехка тем тӀа яьккхача Коталон 80 шу дузаш хилар.
2025 шерара КИФ эггара терко тӀаозаш йола моттиг хургья 11-гӀа Ерригроссийски инвестицей «Лакхале» яха премеш ялара, уж лургья инвестицей проекташ дикагӀа йолчарна, компанешта, цар экономика дегӀайоалаяра даькъ тӀа дика дакъа лацарах. Иштта цига хургья СВО доакъашхошта лаьрхӀа кхетаченаш.
