ГӀалгӀай къаман
юкъара газет

Кердадараш

107 гектар лаьтта юхаделар, уж леладара декхараш телхадаьчул тӀехьагӀа

Шолжа кхале, паччахьалкхен е доал деча даькъ тӀара лаьтташ арендах леладара дола декхараш кхоачашдеш цахилар дӀахейначул тӀехьагӀа, Ӏаьдало 107 гектар лаьтта юхадаьккхар, яхаш, дийцар «Сердало» газетага ГӀалгӀай Республикан Кулгалхочун зарбан болх лелабераша.

«Иштта гучадаьлар 1,3 гектар лаьтта шоашкара наха хьалаьца хилар, цига даьча хувцамех дола административни гӀулакх хьадоладаьд, бехкебараш бехктокхаме эзаб. Уголовни гӀулакхаш а хьадийллад. Лаьтташ хьадахарах дола дехараш суде дӀачулургда. Из болх дӀахохьоргба. Бокъо йоацаш хьалийца лаьтташ Ӏаьдалга юхакхоачаргда», - аьлар республикан кулгалхочо Келаматанаькъан Махьмуд-Ӏаьлас, ше из дош дувцаш.

Цо белгалдир мехка бахархоша из кхетаде дезилга, из паччахьалкхен декхар долга. ХӀара лаьттан чӀегилг, российски законах йоаггӀача беса лелаеш хила еза.

Цу тайпара лаьтташ леладар цхьаккха а оагӀорахьа нийса дац, из тӀехьагӀа воча тайпара Ӏаткъаш хургда.

Лаьтта ца хилча ишколаш, больницаш, стадионаш, кхыйола вахаре чӀоаггӀа эша гӀишлош хьалъергьяц. Из да, тӀехьа тӀайоагӀача хана, вай ноахала хьалхашка йоккхий халонаш нийслургйолга.

Цо аьлар, цу гӀулакха бехке мел болча нахагара доаггӀача беса жоп хьадехаргда, аьнна.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде