Республикан хьал тоадарах, дувцаргда вице-премьер волча Новак Александра
Вай мехкарча вахара-экономически хьалах дувцаргда тахан республике кхаьчача РФ паччахьалкхен кулгалхочун гIонча волча Новак Александра. Из хоам «Сердало» газетага бир Мехкадаь зарбан болх лелабераша.
«Вице-премьераца республике баьхкаб РФ экономически хьал тоадарах йолча министерствон кулгалхочун гIонча Назаров Сергей, бизнесмен Гуцаранаькъан Микаил. Вай мехка хьал тоадарах дола хаттараш доашхаш, доккха къамаьл да цар дIадахьа лерхIар», - белгалду ший телеграм-каналага гIолла вай Мехкадас Келаматанаькъан Махьмуд-Iаьлас.
Бехкеча хьаьшашта гойтаргья, мехка хьал дикка тоадергдарех йола йоккхий моттигаш. Царех я «Южни» яха коа тIара оалхазараш леладу моттиг, «РИАК», «РИАЛ» яха кIалах хIамаш хьаю заводаш, «4БРА» яхаш йола хIамаш тега фабрика.
Цу гIулакхах болча говзанчаша яхачох, боаггIача боараме цу моттигашкара болх тоабича, республиканна доккха беркат хьадаргдолаш моттигаш я уж.
