Бокъо йоацаш баха ховшара гӀулакх тохкаш ба республике
16.11.2023 09:40
Бокъо йоацача тайпара Шолжа-Шахьаре Ӏеш хиннача наха духьала, гӀулакх хьадийллар МВД болхлоша. Из хоам «Сердало» газетага бу цу моттигерча къахьегамхоша.
«31 шу даьннача, Киргизера хьавена ваха хайнача сага духьала гӀулакх хьадийллар Ӏаьдало. Тохкама болх дӀабихьача, МВД болхлошта гучадаьлар, РФ баха, къахьега бокъо луш дола каьхаташ доацаш, Азербайджанера хьавенача пхе сага цо баха ховша новкъостал даьлга.
Цу нахага Россе доазон тӀа къахьега йиш йола бокъонаш яц. 2022-ча шера Ӏан хана денз 2023-ча шерга кхаччалца, цхьан фирман гӀишло чу бахаш хиннаб уж. Шолжа кхалерча судо тохкаш да из гӀулакх дӀахо.
