ГӏалгӀайчен къахьегамхошта 85 совгӀат делар
ГӏалгӀайчен кулгалхочо Келаматанаькъан Махьмуд Ӏаьлас дукхача хана денз дика къахьегаш хьабоагӀача мехка бахархошта 85 паччахьалкхен совгӀат делар. Хӏара совгӀато хьагойт хьехархой, лораш, нах кӀалхарбоахараш, юристаш, тренераш, гӀишлонхой, культуран болхлой шоай моттиге хилар, цар дакъа юкъеденад, Республика а беррига мохк а дегӀабоалабеча.
«Сийлахь-доккха цӀай хьатӀадоагӀаш-Россе Ди - безбу эггара дикагӀа бола, къахьегама тӀера бола, бехктокхаме шоай балха даькъ тӀара гӀулакх леладу массадолча оагӀошкара болхлой: юртбоахама, унахцӀенон, культуран. Из чӀоагӀа лоархӀаме да. Президента ше луш дола доккхий совгӀаташ лерхӀам болаш да. Шоана уж доагӀаш а да», - аьлар мехка Кулгалхочо, ше къамаьл деш. Цо тӀатехар, совгӀаташ луш бараш - кагирхошта масал да.
Лауреаташта юкъе вар физически культуран 13 цӀи хеза болхло, 2 «За заслуги перед Отечеством» ӀӀ степени яхача ордена майдилгаш еннараш, ГӏалгӀай Республикан 6 халкъа артист, цӀихеза Россе 2 лор, культуран цӀихеза 12 болхло, республикан 3 цӀихеза гӀишлонхо, нах кӀалхарбоаха 11 саг.
Иштта совгӀаташ деннарашта юкъе вар 5 цӀихеза юрист, ГӏалгӀай Республикан «За заслуги» орденаш енна 8 саг, РФ Президента сийлен грамоташ, кхыдола доккха совгӀаташ деннараш.
