ТӀема доакъашхой оагӀув хьаллоац вай мехка
18.07.2024 14:17
«Даьхен Лорбой» яхача ганза моттигерча филиало, могаш дола гӀо лоаттадеш, оагӀув хьаллоац Украинерча тӀема операцен доакъашхой, иштта цар цӀагӀарча наьха. Из хоам «Сердалога» бир цу моттигера.
«Массехк тӀема доакъашхой дезал болча ваха хилар ганза филиала кулгал деш вола Оздой Муслим. БӀухой цӀагӀарча наьха дехарашка ладийгӀа, ма хулла сихагӀа царна эшар Ӏалашде, кхоачамбоацараш юстардаха чӀоагӀо йир хьакима», - йоах тха газетага бенача хоамо.
Масала, Наьсарерча тӀема доакъашхочун дезало дехар дир, квартира дӀатӀаязъеш новкъостал де шоашта, аьнна. Оздой Муслима ше тӀахьожам беш чакхдоаккхаргда из гӀулакх.
