Кхетаче юкъе дакъа лоацаш бар Ӏаьдала болхлой, Даьла духьа лелараш, юкъарлон викалаш. Болам дӀахьош, цига дакъа лоацаш хиннараш а хьаьший а бӀаргтоха бахар ГӀалгӀай Республикан чурча гӀулакхий болхлой 2004 шера аьтинга бетта 21-22 деношка байна нах дагалаьца дӀайийнача гаьний аллее. Цул совгӀа зизаш а даьхкар, даим йоагача цӀера юхе, тIеххьара а бейнарий сийна йист ца хулаш минот яьккхар. «Вай барт болаш духьалъоттар хилда терроризма, цхьана эшайойла хьалхашка нийслуш йола халонаш. Вай массане а юкъара декхар да, во цадаржийтара тӀехьа къахьегар, гонахьарчарна зулам ца далийта, во дӀа-юха ца даржийта», — аьлар ГӀалгӀай Республикан Халкъа Гуллама кулгалхочо ТӀумхой Мухьмада.