ГӀалгӀай мехка хьадаьккхар, 402 млн сом токах даьлла декхар
![](http://serdalo.ru/storage/RBxadvG1Z93UiAMYu2Mim02dR8ltwIwwTpSTI7Kz.jpg)
2024 шу дӀадоладелча денз, «Къилбаседа Кавказа россеташта» чуйоагӀа «Ингушэнерго» токах хьаьрча дола 402 млн сом декхар хьадоаккхаш хиннай, яхаш, дийцар «Сердало» газетага ГӀалгӀай Республикан Кулгалхочун зарбан болх лелабераша.
«Из 140% дукхагӀа да дӀадахача шера хинначул. Цох дукхагӀдар, 390,7 млн сом, юридически нахага доаллар; 11,4 млн сом – мугӀарерча нахага.
ЛоархӀаме да, республикан бахархой шоай декхар ханнахьа дӀалуш хилар. Из ахча дӀадаларца дувзаденна да, коммунальни гӀулакхех йоал дӀаялара дош», - аьлар республикан Кулгалхочо Келаматанаькъан Махьмуд-Ӏаьлас, ше цу балхах лаьца дувцаш.
Ший аргӀагӀа «Ингушэнерго» шийна могар деш я, наха цахаддаш ток лоаттае гӀерташ.