Йокъаеннача баьцех цIераш еттар лаьгӀденнад 19,7%
24.10.2023 13:23
Карарча шера, аьтинга бетта 17-ча денгара ардара бетта 17-ча денга кхаччалца, республике цӀера духьала къовсам лоаттабу болх дӀабихьар. Цу юкъа 114 моттиг нийсъелар цӀи яьнна, уж 28 моттига дукхагӀа я дӀадахача шера цу хана хинначунца нийсйича. Цу тайпара хоам бир «Сердало» газетага ГӀалгӀай Республике гӀолла йолча МЧС ГУ зарбан болх лелабераша.
Цу боахамо яхачох, эггара дукхагӀа цӀи яьнна моттигаш хиннай (70) МагӀалбике, МагӀалбика кхале, цига йокъаенна йоархӀаш лотаенна моттигаш хиларах.
ЦӀерах лорабалара шоай дикагӀа говзал хилар хьагойтар Магасе, Наьсаре, Наьсара кхален бахархоша: укхаза хӀара белгалъяьча шахьара 6 моттиг кхоачаш нийсделар. Белгалдаккха деза, Наьсарен, Магаса шахьарашта из дика толам хилар, цунца цхьана республике эггара йоккхагӀа йолча кхале са тедеш хьокхам а ба из.
Шолжа, ЖӀайрахьа кхалешка, Шолже, Илдарха-ГӀалий тӀа уж моттигаш 32-га дIкхаьчар, цига йокъаенна йоархӀаш лотаяларах.
ЦӀи ялара кхерамзле лорацаярах республикан 37 саг административни бехктокхаме эзав,535 000 эзар сом гIод тохаш», - аьлар чоалханерча хьалий боахаме.
