Гӏалгӏайче соцавир наркотикаш эза вола водитель
Бокъонаш лораераша соцавир наркотикаш эза корта бохабаь воагӏаш хинна водитель. Из нийсделар «Сунт» яха балха рейд Магасе дӏахьоча хана, яхаш, дийцар «Сердало» газетага республикан МВД.
«17: 45 минот яьннача хана, Магасе хьалчуоттача дӏахьош хиннача «Сунт» яхача балха рейда инспектораша из соцавир «ВАЗ-217230» автомобила каьхаташка хьажара, водитель вар 38 шу даьнна Наьсарен вахархо. Лорий тешал дара дӏатӏаваха из раьза хиланзар. Цига хьайийхар Магасе гӏолла йола Россе МВД отделене тохкама - оперативни тоаба», - аьлар хоамо.
Цу сага чухьежачул тӏехьагӏа, полицейскешта корайир цӏилеторгаш чухинна кӏопилг, цхьа хӏама чуйоаллаш. Из баьццара яр, цудухьа дегабуам бу из марихуана хиларах. Из кӏопилг дӏаяхьийтай экспертиза яккхара.
Иштта белгалду, наркотикаш лохаш из болх дӏахьош юкъедаьхар балха леладу жӏалеш.
Бокъонаш лораераша дӏахьош ба берригача наькъа доакъашхой кхерамзлен ӏалашо яра болх. Кхы дувца дезаш дий, мел унзара ва из саг корта бохабу малар менна машинаца воагӏаш хилча? Из даим хиннад ший ханнахьа юхатоха дезаш дола вахара унзара хьал.
