Туристий керда кхо никъ хьабелларгба
Карарча шера, ГӏалгӀайче боагӀа хьаьший цецбаргба керда туристически кхо никъ хьабелларах, цу наькъаш тӀагӀолла таро я кхаь хозача моттиге кхача. Цох хоам бир ГӏалгӀай Республикан Кулгалхочун, Паччахьалкхен зарбан-болх лелабераша.
Иштта ЖӀайрахьа, Шолжа кхале вӀашагӀдохкаргда ДаьттагӀа, Аьгий-Чӏоже латтача гӀалашта тӀадолха наькъаш, Оалкамарча Ахабоарзен чӀожерча хозача моттига, иштта Лакхера, Лохера Каьхка гӀалашта тӀабода никъ.
Мехка кулгалхочо Келаматанаькъан Махьмуд-Ӏаьлас ший бувзама оагӀонашка дийцар царех хӀаранех лаьца. Масала, Аьгий-Чӏоже - из хозача гӀалай сурт да, из улл Фортанга оалача хин шин берда тӀа. Цу моттига чудоагӀаш да тӀема наькъаш, гонахьа яь карташ, тӀема а вахара а гӀалаш, теъаш хинна моттигаш, маьлхара кашамаш.
Цул совгӀа, карарча шера туризма даькъ тӀа лаьрхӀад туристически оагӀорахьа дӀахьош дола балхаш дикагӀа довзийташ йола дукха кхетаченаш дӀаяхьа.
Туризм дегӀайоалаяра болхлой таронаш йоаржае, цу юкъе мехка автотуризм, промышленни туризм а йолаш», - аьлар мехкадаь зарбан болх лелабераша.
