Гӏалгӏайче уголовни гӏулакх хьадийллар 46 шу даьннача маӏача сага духьала
Гӏалгӏай мехка 46 шу даьннача Шолжа кхален вахархочоа духьала, кредит эцаш цо доккха зулам дарах дола уголовни гӏулакх хьадийллар. Из тохкама болх дӏахьош ба, республике гӏолла йолча Россе СК СУ кхален тохкама даькъа болхлой. Царна гучадаьлар моттигерча вахархочо зулам даь хилар РФ УК 3 д. 158.1 ст. Цу статьях из жоп дала дезаш ва банкера харцахьарча каьхатех ахча лочкъадарах.
«Тохкама болх лелабераша яхачох, 2024 шера, ше Гӏалгӏайчен Шолжа кхален доазон тӏа волаш, мобильни оагӏонга гӏолла кредит луча моттиге дехар дӏадахьийтар ахча хьаэцара, цу тӏа цо харцахьа язйир ше ваха моттиг, шийна хьатӏабоагӏаш бола пайда. Из харцахьара тешал юкъе а даьккха, банко цунна 1,9 млн сом хьадайтар, из цо ший гӏулакха дӏадахийтар. Цу тайпара цо зе дир кредиташ телача моттига», - аьлар «Сердало» газетага Гӏалгӏайчен тохкама комитете.
Хӏанз тохкамхой цу гӏулакха къахьегаш ба, хиннар ма дарра меттаоттадеш, хиннар дӏахо тохкаш.
