Квартираш йола 3 цӀа цӀенхаштта тоадир Наьсаре
13, 26 эзар кв. метрага кхоачаш дола квартирех латта МагӀалбикера, Наьсарера цӀенош тоадеш болх дӀабихьар республике. 900 совгӀа болча бахархой хьал аттачахьа доаккхаргда цу беркатеча гӀулакхо. 2014-ча шергара 2043-ча шерга кхаччалца дӀахьош йолча, квартираш йола цӀенош тоадара тӀехьа вӀашагӀъеллача моттигерча программага гӀолла чакхбоаккхаш ба из болх.
2025-ча шера дикка шерагӀа дӀабахьа лерхӀ из. Пхиъ Наьсарера, шийтта МагӀалбикера цӀенош тоаде лерхӀ керда газ, хий чудуллаш, тӀера тховнаш хувцаш. Вай Мехкадас Келаматанаькъан Махьмуд-Ӏаьлас белгалдир, квартираш йола цӀенош тоадар, наьха хьал аттачахьа даккхарал совгӀа, кхерамзлен хьал лорадара тӀехьа лоархӀаме да, аьнна.
«Дикка болх дӀахьош тоадаь цӀенош кхы а дуккхача шерашка латтаргда. Программан керттера декхар да из», - белгалдир Мехкадас.
