«Чарахьал» яха ГИСа болх оттабар чакхдоаккхаш хилар мехка
Паччахьалкхен хоамий «Чарахьал» яхача оагӏонцара болх боаггӏача боараме чакхбаьккхар мехка. Цох лаьца дийцар цу оагӏонцарча штаба онлайн-кхетаче ӏалама гӏулакхех йолча мехкарча министерствон кулгалхочун гӏонча волча ӏарчакханаькъан Ахьмада. Хьакимо белгалдир, паччахьалкхен моттиге цу оагӏонцарча гӏулакхех бола хоам дӏабахьийталга.
«Чарахьех, иштта чарахьашта дӏаденнача билетех дар кийча да – 21 эзар моттиг я белгалъяьраш. Из болх дӏахо дӏахьош ба тахан. Белгалде деза чарахьала оагӏонца из гӏулакх боаггӏача боараме чакхдаккхар лоархӏаме долга», - дийцар «Сердалога» ӏалама гӏулакхех йолча министерствон болхлоша.
Иштта цу министерстве хьалхадаьккхар, 2025-ча шера тов бетта 1-ча дийнахьа денз, чарахьа билет хьаэцаш хилча экзамен дӏаяла езаш оттадаьлга Россе. 2023-ча шера оагӏой бетта 19-ча дийнахьа № 617-ФЗ Федеральни бокъонца яь чӏоагӏо я из. Чарахьал де безам бараша дӏахьокха деза шоашта цу оагӏонцара бокъонаш йовзилга, кхерамзлен хьалаца дувзаденнараш, иштта чарахьал дара юкъе лоархӏаме дола гӏулакхаш.
