«Магас-24» яха хьаькъала таронаш гойта яхь дӀайихьар республике
05.11.2024 10:23
«Кхетам лакха бола Магас-2024» яха яхь дӀайихьар вай столице. Хьалхарча моттигага кхача гӀерташ къахьийгар Къилбаседа Кавказа федеральни куран бахархоша. Из хоам «Сердалога» бир кагирхой политикахи туризмахи йолча Министерствон болхлоша.
«Ийс тоаба юкъерча 50 доакъашхочо тайп-тайпарча оагӀонашцара шоай кхетам гойтар. Къовсама юкъе дар хаттар-жоп, брейн-ринг, капитана зачёт, иштта кхыдараш а. «Оршот» яхача тоабан доакъашхой белгалбир, кхетам эггара лакхагӀа бола Къилбаседа Кавказа бахархой санна», - йоах тхогарча хоамо.
Грамоташ, ахчан совгӀаташ делар котбаьннарашта.
