«Го баккхарал доккхагӏа» яха кагирхой турслет дӏайихьар мехка
«Го баккхарал доккхагӏа» яха туристически слет дӏахьош хилар Бейни. Кхаь дийнахьа лаьттача турслете дешара, регионашта юкъера бувзам, барт чӏоагӏбарах йолча, тоабанца болх дӏабахьар довзийтача кхетачешка дакъа лоацаш хилар Къилбаседа Кавказа субъекташкара гулбенна хинна къонабараш. Лоаман хоза моттигаш, тамашийна дола ӏалам довзаш го баьккхар цар.
«Программан юкъе лоархӏаме моттиг дӏалоацаш дар Маьт-Лоама тӏа бовлар. Из атта боаца никъ бе дегӏаца дикка низ, хьинар эшилга теркалдир доакъашхоша. Россе Паччахьалкхен байракха Ди дездеш цу лакхе массехк бесах латта боккхача мехка байракх йоаржайир цар. Карташца, GPS,наькъаш хьалохаш болх дӏакхахьа ӏомалуш хилар къонабараш, иштта вӏаши доттагӏал чӏоагӏдир, керда нах байзар, лоамашта юкъе дукха ха дӏайихьар», - йоах «Сердалога» кагирхой гӏулакхех йолча комитетера кхаьчача хоамо.
Къонабарех барт тайна тоаба хьаеш болх хилар цох. Цхьана керда проекташ хьакхоллаш накъадаргдола хӏамаш ӏомадир цар цига, иштта шоашта мела дайначо дог гӏозадаьккха бар уж. Хьалха латтараша белгалдечох, кердача, боккхача наькъ тӏа хьалхара гӏа баккхар хилар цох.
