«Кавказа Кубок» яккхара яхь чакхъяьлар республике
«Кавказа Кубок» яха самбох йола яхь дӀайихьар вай мехка. Цу тайпара хоам «Сердалога» бир из гӀулакх дӀадихьараша. Лакхача боараме чакхъяьлар ала йиш йолаш я из. «Латар» яхача даькъе хьалхара моттиг кхаьчар «Эскар» яхача клубага, шоллагӀа хилар «Махачкала», кхоалагӀа моттиг WӀLD DӀVӀSӀONага («Акха оагӀув») кхаьчар.
«Духьалъоттар» яхача даькъе толаш хилар «Махачкала»; шоллагӀа, кхоалагӀа моттигаш «Акха оагӀув», «РСБИ» яхарашка кхаьчар», - йоах хоамо. «Селий мехкарча спорсменашта кхаьчар 30 000 сом, «Акха оагӀув» оаларашта - 20 000 сом. «Эскар» яхача гӀалгӀай тоабанна делар 10 000 сом.
Цул совгӀа, «Эльмурзанаькъан Ислам-Бека кубок» вай воша, лакха начӀал дола спортсмен, эздий бусалба саг дагалаьца совгӀат делар цунна», - дийцар тхога самбох йолча Федераце вице-президента Янданаькъан Абте.
