ГӀалгӀай мехка чакхбаьлар акха хьайбаш, оалхазараш дӀаяздара болх
17.03.2024 13:26
Республикан Ӏалама Министерствос чакхбаьккхар Ӏан замах, акха хьайбаш, оалхазараш мел да хара, уж дӀаяздара дӀахьош бола болх, яхаш, хоам бир боахама зарбан болх лелабераша.
Из болх дӀахьу лоа дилла ха эттачул тӀехьагӀа, цо таро лу лай тӀа гӀолла лелача хьайбай лар яккха. Цу тайпара болх дӀахьош, хьун чарахьаша шин бетта 109 наькъа лар яьккхар хьун доакъошка.
«Чаккхе еш бола болх йистебаргба, тушола бетта 25 денга кхоачаш. Цу балхах хьахиннар дӀадохьийтаргда Федеральни чарахьий боахама центре.
Цу чаккхенга хьежжа, хьун таронаш лораяра бола никъ дӀахо дӀахьоргба», - аьлар ГӀалгӀайчен Ӏалам лорадераша.
