«Лоткъамхоша яхачох, зуламхоша шоайла а иштта малав ца ховча из криминальни болх вIашагIбеллачунна а Интернете гIолла хоам лоаттабеш хиннаб, мессенджере гIолла шоайла дIа-юха яздеш. Цу зуламеча гIулакхе хIаране ши-ший дакъа дIалоацаш а хиннад», — аьлар региона полице.

Зулам вIашагIделлача кулгалхочо яхар деш, лакхехьа белгалбаьча наха ГIалгIайче дукхача героина парти чуяхьаш хиннай, дIа-юха а екъаш, моттигашка Iо а юллаш болх беш хиннаб уж.

Цхьабакъда, шоай зуламера гIоз царна гаьна баккха маганзар, бокъонаш лораераша шоай болх лерттIа вIашагIболларах ОПГ доакъашхой хьалаьцар, царгара бокъонах йоаца хIамаш а хьаяьхар.

Иштта, царех цхьанне цIагIара Макарова тепча корайир, из йоацаш а чIоагIа Iаткъаш йола молхаш чуйохкаш итта капсула а.

Уж мо йола наркотически молхаш чуйолаш бIаь капсула а гучаяьлар машеначура.

ВIашагIбеллача зулама балха доакъашхошта РФ Уголовни кодекса статья хьакхейкаяьй.