Автобусаца Минводе дIакхаьчача, цигара Дубае кхаччалца фецарча кемаца гIоргба, цигара Макка кхаччалца автобусо дIабугаргба. ХIаьта эггара аттагIбола никъ ба вайцигарча аэропортера Мадинате додача фецарча кемаца хьор. Хьалхарча аргIагIа болхача наха латта мах 4 800 доллар ба, шоллагIйолча тура мах — 5 500 доллар хул.

Таханарча дийнахьа, хьажол де безам болаш, каьхаташ дIачуденнараш 380 саг ва. Республикан лаьрхIа йола моттигаш — 1 300. «Иззал моттигаш вайна лургхиларах теша лов тхона. Еррига моттигаш хIанз а дIайийкъаяц», — аьлар цу даькъ тIарча болхлоша. Ахкан хьалхара бутт чакхбоалаш; арабовргба хьажол де болхараш. Из ха хьакхачалехь, дуккхадараш хувцадала тарлу.