«Цига дешара дIаязбала йиш йолаш ба, бархI шу даьлча денз, ялхайтта шу даллалца бараш. Берашта программировани оала говзал, компьютерца бу болх Iомабергба цига», — йоах хоамо.

Уж Ӏомабергба авторски проекташ тахка: ловзараш, анимацеш, сайташ йовза.

Шоай бераш скретча е кхыча кружоке дӀаязде лойя, юкъарча дешара дешача моттигаца бувзам оттабе беза е технопарке дӀадаха деза.

«Сона хетаргахьа, тха технопарк бӀаргагор пайдане хургда, цига ховш хургда шоана, из эшаш я е яц», — аьлар «Кванториума» кулгалхочо Янданаькъан Салмана.