«Вай мехка бахархой таро я, цIагIара ара а ца боалаш, хьадаь бер Госуслугий портала тIа дIаязде. ХIанзчул тIехьагIа бер дIаяздергда е да е нана бахаш болча моттиге гIолла, цигара сайта тIа из дIадохьийтаргда», — йоах хьабайтача хоамо.

Бер дIаяздара эшаш дар да бер даь хилара тешал деш дола каьхат, бера даь е наьна паспорт. Ялх денна йолча хана из иштта дий хьожаш бола болх дIахьоргба ГIалгIай Республикан чурча гIулакхий Министерствос.

ДIаяздаь хилара каьхат дIадохьийтаргда ГIалгIай Республикан паччахьалкхен хьалаш яхача портала тIарча доалахьарча кабинете. Из каьхат дIахойодача хана эшаш да, бераш деша дахийтара, иштта уж берий бешамашка оттадеш, лорашка дугаш, паччахьалкхен новкъостал царна дара йоах хоамо.

Хьалхадоаккх, 2023 шерга кхаччалца йолча хана, даьша-ноаноша шоай бераш дIаяздора паспортни истоле е паччахьалкхен, муниципальни хьашташ кхоачашдеча Дукхача гIулакхий центре.