«Кхетаче дIахьош Келматанаькъан Махьмуд-Iаьлас, Бударин Виктора дийцар, йоккхача банка беш бола болх, Iаьдала органий балхаца цхьана, пайда а эцаш бувзабенна хилча бакъахьа хеташ хилар, кулгкара доацача ахчан инфраструктура, цифровой оала балха хьал, юкъера хьаийцача республике Сбербанка балха тIехьа долаш дола хьалаш, ма хулла, дукхагIа дегIадоаладарах дийцар цар», — аьлар региона кулгалхочун пресс-служба болхлочо.

Келматанаькъан Махьмуд-Iаьлас белгалдир, Сбербанк хинна а хиннай, йолаш а я, Россе а республике а, тешшаме финансово-кредитай урхале.

Цо, иштта белгалдир, наха накъадоалача оагIорахьа муниципальни даькъа тIа керда терминалаш Iояхкарца, отделенеш хьалъярца болх дегIабена хилар.

Иштта, Махьмуд-Iаьлас хьалхадаьккхар, банка болх а, цунна нахацара болх дегIабоалабара дола хьалаш а бахархошта довзийташ хила деза хоамашка гIолла, наха ховргдолаш ЖКХ хьалех дIачулуш дола ахча мишта луш хила деза, кредит эцара болх мишта латт а, иштта кхы дIахо дола социальни оагIорахьара хьалаш банко мишта леладу а. Терко тIаяхийтар «СберЗдоровье» оалача интернет-сервисе гIолла, болхлораш мишта лаха беза яхача хаттара.

Хоам бу, цу вIашагIкхетаре хиннача къамаьла баь хоадам хиларах а, иштта цунца доагIаш дола декхараш оттадаь хиларах а.