ГӀалгӀайче полиомиелит оалача лазара духьала маьхий тоха лаьрхӀад
На территории Ингушетии в два этапа — с 27 февраля по 5 марта и с 3 по 9 апреля 2023 года — будет проходить вакцинация детского населения в возрасте от 3 месяцев до 10 лет от полиомиелита, сообщает пресс-служба Минздрава РИ.
Цунца дувзаденна, лорий керттерча урхаллене болх беш я «горячая линия» оала телефон. Полиомиелитаца дувзаденна хаттараш долча наьха таро хургья, хӀара денна ийс сахьат даьлча денз, сайрийна бархӀ сахьат даллалца йолча хана, укх номерах телефон тоха 8(988) 124-15-70.
Говзанчаш кийча ба цар хаттарашта жоп дала.
Цул совгӀа, лораша геттара чӀоагӀа дехар ду республикан бахархошка, из лазар дӀа-юха даржаргдоацаш, фийла хила, яхаш, шоай ханнахьа маьхий тохийта, гонахьарча наха зе ца доалийташ.
«Полиомиелит оалача лазара духьала еш йола вакцина хьалхагӀа профилактиканна яь хиннаяле а, х1аьта а ц1аькха е езаш я. Цу гӀулакха массайолча амбулаторешка лаьрхх1а моттигаш хьаелларгья», — аьлар республикан могашал лораяра Министерстве.
Шоай оагӀорахьара юрташкарча 1аьдала болхлоша а лорашта эшаш дола новкъостал дергда аьннад. Цул совг1а бахархошка дӀакхайкадергда, лазар кхетаргдоацаш, маьхий тохара болх дӀабахьар мел эшаш да.
Из лазар довзийташ дола сурташ т1адола каьхаташ хургда хьалтеха массанахьа. Лорашта эшаш йола машенаш а 1алашъергья. Лоацца аьлча, моттигера 1аьдал де йиш мел йола новкъостал де лаьрхӀа да, из лазар дӀа-юха цадаржийтар духьа.
