Эггара чIоагIагIа администраце балха раьза бараш ба — ДжIайрахьа района бахархой (84,2%). ХIаьта, эггара лохагIа процент латт Магасе. Шоай ханнахьа автобусаш хилара раьза 44,1% хилар, баьча тохкамах.

ДикагIчарех я аьнна белгалъйир Назрань, Илдарха-гIала, ДжIайрахьа район. Нах раьза боацача моттигех я — МагIалбик район, Магас. Хин кхоачам наха хилара хьалхарча лагIа тIа латт Назрани, ДжIайрахьа райони.

Из гIулакх чоалхане латтарех я МагIалбика райони, МагIалбики, Илдарха-гIалеи. Светацарча кхоачама раьзабараш хилар Назранера, Магасера бахархой.

МагIалбика район, цу гIулакха, тIехьюсаш я. Газацара хьал эггара аттагIчарех да вайцига, таханарча дийнахьа.