Юрташкара хьалаш тоадаларах
В ходе отчета Председателя Правительства РИ Владимира Сластенина в Парламенте республики о результатах деятельности Правительства Республики Ингушетия за 2022 год, в Магасе состоялось обсуждение основных направлений социально-экономического развития республики. Парламентариев подробно информировали об этапах и задачах развития инфраструктуры ингушского села, сообщает корреспондент газеты «Сердало».
Юрташкара хьал дикача оагIорахьа дерзаде йиш йолча наькъех дийцар цига. Керттера дувца оттадаь дош — юрташкара дешара моттигаш, дарбанчеш, наькъаш, культуран моттигаш малагIча хьал тIа я. Цо дийцар, дIадахача шера, «Таханара ишкол» яхача федеральни проектага, «Дешар», «Демографи» яхача къаман проекташка гIолла республикерча юрташка 850 бера лаьрхIа йиъ берий беш хьалъяь хилар. Инаркъе еттай 220 бера лаьрхIа берий беш, Эбарг-Юрта хьалъяьй 190 бера, ТIой-Юртарча берий бешо чуэц 220 бер, Долакоарча берий бешо моттигаш лу 220 бера.
Уж моттигаш хиларах, 315 сага болх корабаьб. Таханарча дийнахьа геттара лоархIаме да из вай республиканна. Иштта 5074 дешархо чуэцаш, керда ишколаш хьалъяьй республике. Яндаре, Эккажкъонгий-Юрта, Эбарг-Юрта, Йоккхача Ачалкхе, Долакоа, Буро кIалха хьалъяьй 720 бер хIара юртара чуэцаргдола ишколаш. Олга тIа яьча ишколо 250 бер чуэцаргда, Эккажкъонгий-Юрта яьй цхьаькха, 504 бера лаьрхIа ишкол. Цу беркатеча гIулакхо 686 сага болх бе моттигаш елар. ДIадахача шера хьаелла езаш яр Пхьилекъонгий-Юртара 150 унахочунна лаьрхIа йола психоневрологически, наркологически диспансер.
Бакъда 663,2 млн сом ахча дIалоацаш йола из моттиг, рузкъа цатаарах, 2023-ча шера хьаелларгья аьнна тIехьаяьккхар. ТIой-Юрта хьалъеш латта дарбанче, укх шера болх бе дIайолаяла езаш я. «Культура» яхача къаман проектага гIолла, дикка кулг тохаш тоадир Дабий-Юртара, Долакоара культуран цIенош.
«Спорт-вахара оагIув» яхача проектага гIолла дика толамаш даьхад республико. «Аьрзи» яхача бераша салоIача лагере ши миллион ахчах хIамаш ийцай, спортаца къахьегача берашта лаьрхIа. «Аз спорт хорж» яхача федеральни проектага гIолла, ГIажарий-Юрта 27,4 млн сомах дуккхача хIамай Iалашо яьй. Геттара лоархIамеча гIулакхех да, республике тоадаь наькъаш.
Цу гIулакхо дIалаьцар 624, 9 млн сом ахча. Белгалде деза, республикан юрташкара хьалаш хIара денна тоалуш доагIилга. Цу тIехьа дикка къахьегаш латт вайцига тахан.
