Лаьнанаькъан Марема 80 шу дизара хетаяь поэтически сайре
В Доме культуры сельского поселения Средние Ачалуки прошел поэтический вечер «Чувства добрые лирой пробуждая», посвященный 80-летию замечательной ингушской поэтессы Марьям Льяновой. Марьям Ахметовна давно стала ярчайшим явлением кавказской литературы, эталоном порядочности и искренности. Широко известна она и как талантливейший педагог.
«Лаьнанаькъан Марем яьй 1943 шера Пригородни района чуйоагIача Редант оалача юрта. Цун да Лаьнанаькъан Сосланбека Ахьмад цIихеза общественни болхло хиннав. Из вар цу хана цаI мара воаца НГIАССР гIорваьнна гIишлонхо.
Ахьмада Марем Россе халкъа дешара дика болхло, ГIалгIайчен цIихеза хьехархо, Россе йоазанхой доакъашхо я. Цун йоазошта кепа етт 1957 шера денз, хьалхара книжка арадаьлар 2001 шера. Лаьнанаькъан Марема язду массанена лаьрхIа. Цун книжкашта юкъе да берашта лаьрхIар а. Ткъаь итт шера ишколе хьехаш хьайоагIа из. Берашта цо хьех уж шоайла безамегIа хилар, нийсхо, сий цар лархIар», — аьлар «Сердало» газетага кхетаче вIашагIъеллараша.
Ахьмада Марема поэтически сайре — из дикала, безама дуне да.
Цун мугIараш хьалдиза да сердалах, йIовхалах, цу чу ба дег чура боагIаш бола хьамсарча мехкацара безам, цар хозду къаьнарча гIалгIайчен лаьтта. Ше мел йоаккхача хана, ший кхолламца хувца ца луш, массаза бакъахьара саг йолаш, хьайоагIа из. Цунца тIаэзаб цо гонахьарча наьха безам.
