Шолж цӀенде арабаргба болхлой
Дукха догӀаш делхаш ха отте, Шолж яхача хин гӀулакх малагӀча хьалага кхача йиш я, хий чакхдувла дезача тӀаьшта кӀалхара хьал мишта латт хьожаш; болх дӀабахьа арабаьлар МЧС болхлой, Ӏалама гӀулакхах йолча министерствон, администраце къахьегамхой.
«Буро кӀалхара, Эккажкъонгий-Юртара Шолжа оагӀонаш, тӀаь кӀалхара моттигаш; хиво Ӏокхихьача нувхех, гаьнех цӀенъеш; болх дӀабихьар», — йоах тхогарча хоамо. Цу тайпара болх дӀахьоргба Илдарха-ГӀалий тӀарча Оздой цӀерагӀа болча ураме, Эбарга-Юртарча Курортни, Мостовой, Чкалова оалача урамашка.
ГӀажарий-Юртара, Галашкара, Мужечара Эса цӀендеш; дӀабахьа лерхӀ боккха болх. Цу гӀулакха болча болхлоша яхачох, ший ханнахьа иштта дӀабихьача балхо, ца соцаш догӀаш латташ хий айделча, хила тарлу кхерам юстарбоаккх.
