ГIалгIайче дIахьоргья, «Са да-нана полице болх беш ба» яхача, берий сурта конкурс
Конкурс юных художников «Мои родители работают в полиции» пройдет в Ингушетии. С инициативой его проведения выступили правоохранительное ведомство и Общественный совет при МВД региона. Проект направлен на популяризацию профессии сотрудника органов внутренних дел. Об этом газете «Сердало» сообщили в пресс-службе МВД России по Ингушетии.
Из дIайихьача бакъахьа хийттар региона МВД чуйоагIача Общественни совета, бокъонаш лораеча боахама. Цунна маIан да, чурча гIулакхий органий болхлочунна професси дикагIа йовзийтар. Цунах хоам бир «Сердало» газетага, ГIалгIай Республике гIолла йолча МВД пресс-служба.
«Цу яхьашка дакъалаца йиш йолаш да органашка болх беча наьха бераш ялх шерагара 14-шу даллалца ха яьннараш.
Цар шоай даьй-ноаной сурт дилла деза, уж балха болаш, е салоIама ха дIахьош болаш.
Из болх бе йиш я, моллагIча форматах А4 зIамагIа а доацаш А3 доккхагIа а доацаш долча каьхата тIа.
ТIехьашкарча каьхата оагIон тIа шоаш дуллача сурта цIи язъе еза, иштта ший цIи, тайпана цIи, яьнна ха. Конкурсах деш дола балхаш хьаэцаргда тов бетта 25-ча денга кхаччалца ГIалгIай Республике гIолла йолча МВД хоамий бувзамах.
ДикагIа дола кхо сурт Россе МВД дIадохьийтаргда, конкурса федеральни этапе дакъалоацаргдолаш.
Конкурса жюре белгалвергва котваьнна кхо саг: цар яьнна ха хила еза 6-шерагара 8-шу даллалца, 9-шерагара 11-шу даллалца, 12-шерагара 14-шу даллалца. Берий конкурсе дакъа лаца безам бараша телефон тоха еза укх номерах (8734) 55-01-51 е электронни адресах oios-mvd-ri@yandeks», — аьлар тхоца къамаьлдаьчо.
