ГIалгIайче, «Кхерамзлен дика наькъаш» яха къаман проект маьхалйоаккхаш тIахьожаш я общественность
В Ингушетии все работы в рамках реализации нацпроекта «Безопасные качественные дороги» проходят под общественным контролем. Наряду с представителями Министерства автомобильных дорог общественники республики следят за ходом работ и принимают участие в приемке готовых объектов.
Машений наькъа Министерства викалашца цхьана, республика общественность хьожаш я йистеяьннача объекта балха дикалга.
Автодора Министерства пресс-служба яхачох, общественникаш баьча балха дикалга хьежа а Iац, цар наькъаш тоадара балха юкъе нийслуш дола кхоачамбоацараш а юстара дахара, наха хеташ дар подрядни организацешка, хоам беш, дIакхоачийт.
Иштта тIахьожам беш, доацар, эшар нахага а кхоачийташ хьабеш болча балхо таро хулийт еррига къаман проекташ дикагIа маьхалъяха.
Цудухьа ГIалгIайчен автодора Министерстве, общественники балха лаьрххIа йола терко лоаттаю.
«ГIалгIайчен машений наькъай Министерства бехктокхаме я «Кхерамзлен дика наькъаш» яха къаман проект маьхалъяккха, цо обществоца цхьана, тIахьожам лоаттабу хьабеча балха дикал лакха хургйолаш региональни а, муниципальни юкъера а наькъаш тоадеча даькъа тIа», — аьлар пресс-служба болхлоша.
Уж хьожаш ба, тоаеш йола объекташ, подрядни организацеша йиллача хана йистейоахаргйий.
Цу тайпара дIахьоча балха юкъе нийслуш дола, кхоачамбоацараш белгалдоах.
ТIахьожамхой баха хилар «ДаьттагIа администрацегара Кавказ-ГIажара-Юрта-Оалкам-ТIаргим-Чми» бодача наькъа дикалга хьажа.
