ГӀалгӀай къаман
юкъара газет

ГIалгIайче «ДегIаахара доазув» яха дешара гIишлош 20 процент дукхагIа хургья

В нынешнем году сеть центров образования «Точка роста», функционирующих в сельской местности и небольших городах Ингушетии, прибавится на 20 центров. Всего будут давать знания подрастающему поколению 103 таких объекта, информировали газету «Сердало» в пресс-службе руководителя РИ.

«Юкъара а кхы тIа луш бола а кхетам балара таронаш а чуйоагIаш, таханарча хано дIадеххача тайпара болча гIирсах пайда а эцаш, дешара программа дIаяхьа йиш я тахан, аьлар мехка кулгалхочунца Келаматанаькъан Махьмуд-Iаьлаца ше къамаьл деш ГIалгIай Республикан дешара, Iилман министра гIончас Дудурганаькъан Асхьаба», — аьнна, белгалду хоамо.

Цо иштта хьоахадир, тIехьарча хана «Дешар» яха къаман проект юкъеяккхаро дешархой дукхагIа шоашта ховш дар дегIакхувла таро хилар. Дешархошта лу «Технологе», «Информатика», «ОБЖ» урокаш, цул совгIа берашта кхетам балара йола кружокаш а дIакхухь. Иштта, Шолжерча цхьоалагIча ишколе физиках, химех, информатиках, биологех йола программа Iомаеш я. Цига керттера терко тIайохийт лабораторе беча балха, иштта яхьашка дакъа лаца Iомаду бераш. Илдарха-ГIалий тIарча ишколе керттера теркам тIабохийт «Scratch программированена», «3D-моделированена», «ОБЖ», «Хьалхара новкъостал» яхача Iилмашта.

«2022 шу йистедоалаш, ГIалгIайче 83 ишколе дешархой таро хилар, хIанзарча ханара технологеш йовза. 2023 шера республике кхы а 20 цу тайпара фусам дIайолалургья болх бе. Царна лаьрхIа чура гIирс ийцаб, из проект кхоачашъяра бехктокхаме бараш а белгалбаьхаб», — аьлар Дудурганаькъанчо.

Иштта хьехархошта шоай де дезар дикагIа довзаш хургдолаш, уж Iомабу онлайн-офлайн оалача балхага. Цу тайпара ГIалгIайчен I27 хьехархо ший балха говзал лакхъеш хиннав ФГАОУ ДПО чуйоагIача «Россе дешара Министерствон Академе».

«Дешара» къаман проект кхоачашъеча, федеральни центро новкъостал деш хиларца вай таро хилар республикан дешара даькъ тIа дикка толамаш даха», — аьлар ГIалгIай Республикан кулгалхочо Келаматанаькъан Махьмуд-Iаьлас.

Цо белгалдир, республике керда дешара урхаллеш хьаеллаш хиларца гуш да, боккхийбараш а иштта бераш а мел гIаддахад. Республикан кулгалхой хьожаш ба, хIара бера дешара дикал лакха хилийтарга.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде