Цо яхачох, дIадахача шера этта хинна, хаоттам Iадкъаш хилар дика хьувкъам хилийтара. Шатохаш а, доккхий догIаш доагIаш а, йокъал отташ а моттигаш нийсъелар. Цунга хьежжа хилар чуэцаш дола ялат а.

«ДIадахача шера, 17 тонн совгIа Iажаш чуийцабар. Карарча шера, хаоттам массехк дикагIа хиларах, 25 эзар тонн» гулбаьб, — аьлар аграрни боахама викало.

Цул совгIа, Оздой Заьлмаха Iана кIала дIадувш дола ялаташ а коартол а чуэцара мах а хоадабир. Iай дIадувш дола ялат Iехьа даьннад — 80 тонн, дIадахача шера из 62,5 тонн мара дацар. Коартолаш, дIадахача шера, цхьан лаьрххIа долча даькъа тIара 5-6 эзар тонн чуийцар, берригача боахамера дIалаьрхIача — ерригаш а 30 эзар тонн. Карарча шера, духхьала цхьан даькъа тIара, 21 тонн чуийцай.