Из болх дIахьош дакъалаьцар баьцадаараш леладара отдела говзанчаша,- аьнна хоам бу «Сердало» газетага филиала пресс-служба.

Из болх лаьрхIа ба дIадийнача баьцадаарашта лазар летадий а кхыдола кхоачамбоацараш дий а хара.

Хоам бу, хьалхарча кхаь бетта агрономаша 7 эзар гектар лаьтта тахкар. Говзанчаша яхачох, паччахьалкхен декхар кхоачашдеш, тIеххьарча шийтта бета, ГIалгIайчен доазон тIа 180 эзар гектар лаьтта тIа дIайийнача хIамай хьал тахка дезаш да.

бекарга, сели, мангала бетташка тохкама болх дIахьош, кхаш тIа цхьацца дола кхоачамбоацараш нийслуш моттиг хилар. Говзанчаша баьча балхах гуш да, кхаш тIа ялатах латаш дола лазараш малагIаш да, уж мел сиха дегIадоагIаш хул, мелад, фу дича дIадаргда.

Республика Россельхозцентра говзанчаша тохкам баьчул тIехьагIа, хьал миштад хьежжа, дIахо воча хьале долча кхашка ялата зуламхошца къовсам лоаттабе безаш хул. Цул тIехьагIа Юртбоахама министерства, моттигерча администраце кхай тIара санитарни хьал миштад кхайкаду.