Цига дакъа лоацаш бар ишколай кулгалхой, хьехархой. Иштта кхетаче баьхка бар республикера керттера федеральни инспектор Смирнов Виктор, сенатор БӀарахой Мухарбик, къаман гуллама кулгалхочун гӀонча Хьаьшанаькъан Аза.

Кхетаче дӀайолайир, РФ дешара гӀулакхах йолча министерствон кулгалхочун Кравцов Сергея видеогойтам хьокхаш. Боканаькъан Аьсета дийцар, дешара юкъеяьхача кердача программех, дешара шерца юкъедоаладергдолча кхыдолча хувцамех.

«Царех я профориентацех цаӀ йола модель. 6-11-ча классашка дешаргдолча берашта лаьрхӀа «Россе — сона гушдар» яха урокаш хургья цу юкъе», —  белгалдир министра. Иштта кхетаче къамаьл дир министра гӀончаш болча Угурчанаькъан ПаьтӀамата, Пхьиденаькъан Заремас, «Хьалхарчар никъ» яхача моттигерча оагӀон кулгал деча Албохчанаькъан Маринас.

ВIашагӀкхетаре Мехкадаьгарча грамоташца белгалбир вай мехкарча 18 ишколера хьехархой.