Буро-КIалерча бахархошца кхетаче йир, МВД болхлошеи хьакимашеи
Накануне в Доме культуры сельского поселения Барсуки состоялся круглый стол, посвященный проблемам, которые сегодня волнуют многих жителей муниципального образования, информировали газету «Сердало» в пресс-службе МВД по РИ.
Царех дар наркоманех лаьца дола дош. Хьоахадир, къаьстта цу зулама тIахьожам, ма хулла, чIоагIбе беза аьнна, цул совгIа, кагирхошта юкъе дукхагIа кхетачеш дIакхахьа еза цох хьадоалла вонаш дувцаш.
Наркотик лелаеш, наха юкъе йоаржаеш вола саг Iаьдалга дIавувца веза, вIалла хье ца луш. Ишттача наькъаца мара мохк цу дохьажах цIенлургбац вайна. Иштта дийцар, наькъашкара правилаш лорацаярах хьахулача зуламех», — дийцар кхетаче хиннараша.
Уж тайпара вIашагIкхетараш республике дIакхахьар, лоархIаме да аьнна, соцам баьр МВД я. Цар хьоахадир, духхьал наркоманен духьала лелабу тIом чIоагIбе беза аьнна.
Цу гIулакхах хьокхавеннача саго ший вахар доадаь ца Iеш, ший цIагIа мел болча наьха вахар толхаделга дIахайта деза къонабарашта аьлар. Цу кхерамеча хIаман гаьна хила еза вай тIехье!
Цхьаккха а къахетам боацаш таIазара кIала бахьа беза, из зулам доаржаду къаман моастагIий. Бахархоша белгалдаьчох, уж тайпара кхетачеш боккха пайда беш я тахан, цунга хьежжа, ма хулла, дукхагIа хила еза уж.
Дукха ха йоацаш, ишттача мугIарера кхетаче дIайихьар Илдарха-гIалий тIарча МВД болхлоша бахархошца.
