ГIалгIайче, моастагIчунгара Котало яккхара хетаяьча состава накъабахар
В Ингушетии 25 апреля 2022 года на железнодорожной станции в городе Назрани встретили исторический состав, посвященный Победе над фашистами. В город прибыл ретро-поезд «Победа», который следует по пути от Каспия до Черного моря, благодаря большой работе, проведенной Северо-Кавказской железной дорогой, сообщили газете «Сердало» в пресс-службе Главы и Правительства РИ.
Цу цIихезача, лоархIамеча, акце дакъалоацаш хилар: ГIалгIай Республика Кулгалхо Келматанаькъан Махьмуд-Iаьла, Къилбаседа-Кавказа цIермашеннаькъа кулгалхочун гIонча Дмитриев Сергей, Лукъяненко Дмитрий, иштта Iаьдала, юкъарлонна викалаш, волонтераш, кагийбараш, ГIалгIай Республика муниципальни даькъа тIара бахархой.
Из дика цIай оттадар бахьан да, Россе гIолла бахача наха дукха сатийса Сийлахь-Даймехка Коталон ди, 9-гIа май хьатIадоагIаш хилар.
Келматанаькъан Махьмуд-Iаьлас ше къамаьлдеш белгалдир, вай мехка дахача къамашта карагIдаьннар цIаккха а диц ца дар керттера долга.
«Оаш дер доккха гIулакх да — вай дукхача къамий эзараш мехкарий, кагий нах шоай са ца кходеш, моастагIчох латаш, цунгара Сийлахь-Даймехка Котало йоаккхаш духьала лаьттарий, сий деш хилар. Тахан вайна гуш да, мел доккха сий да цар даьккхар вай берригача мехка, цудухьа вай декхар да, тIехьа тIадоагIача ноахалла из масала хьалха дахар, цар цIераш йиццаяр, Россе хIара регионе бахача, кагийбарашта из хьалхадоаккхаш хилар», — аьлар цо, акци вIашагIъелларашка ше къамаьлдеш.
ЦIермашеннаькъа вокзала тIа оттайир, театра, «Перекрестки военных дорог — перекрестки военных судеб», яха сцена.
Дукхача наьха самукъадаьккхар «Успех», «Донское сияние» яхача ансамблеш, иштта цига, тIема гIирс бийха, ГIалгIайчен коллективай гойтамга хьажа таро хилар. Гулбеннарашта гуш дар, мел дицлургдоацаш, хала денош дар уж, цу тIема шерашка хиннараш.
