«Кхо шу совгIа ха я аз тIоарсках хIамаш ю. ТIормигаш де къаьстта хала хул, хIана аьлча, бе-бе кепаш кхолла езаш, болх ба из. Дикка къахьийгача 2-3 дийнахьа тIормиг хьабе йиш я. МоллагIа хIама леладеш волча сага цу гIулкхацара безам лорабе беза, иштта ца хуле, болх дIагIоргбац.

ДIахойодача хана маьчеш хьае безам болаш ва со, таханарча дийнахьа из дIадоладе таро яц са», — дийцар тIоарсках хIамаш хьаеш волча ТIумхой Iийсас. Гулбеннарашта ярмарке яйра тайп-тайпара говзал-классаш, начIал дола нах байзар. Цига эца йиш яр мерза даараш, иштта кхыдар а.

«Таханарча кагирхошта эшаш йола хIамаш хьаеш къахьег аз — телефонашта кIалъувттаергаш хьаю аз, догам деш», — дийцар ТIумхой Мусас.