«ГӀалгӀайче инвестораша теркама юкъе лоаттабеш бола мохк ба. Оаха тхоашта могар ду республике инвестицей хьал дикача боараме лоаттаде никъ лохаш, цунна инвесторий безам тӀагӀоргболаш. Россе Президента Петербурге дӀайихьача экономиках йолча кхетаче вай мохк могабир, белгал а бир, къаман инвестицей боарамга диллача вай 24 лагӀа тӀа латт, аьнна. Вай цу толамаш тӀа совца лаьрхӀа дац, оаха лерхӀ 2023 шера моттигерча инвестицей 2.0. боарамга кхача. Аз декхар оттадаьд маьцхали бутт хьатӀабалехь, боарам гойташ дола каьхаташ кийчдара, уж дIаяздаь хилийтара, РФ Правительстве дӀадахьийтара», — аьлар ГӀалгӀай Республикан кулгалхочо Келаматанаькъан Махьмуд-Iаьлас.

Махьмуд-Iаьлас белгалдир, кердача шера де дезаш дар къоастадаьчул тӀехьагӀа, лоархӀаме болх дӀахьоргба мехка инвестицей боарамга хьежжа, цо таро хулийтаргья ГӀалгӀайче шоай болх дӀабахьа ловш болча наьха тешам чӀоагӀбе.

ГӀалгӀай Республикан паччахьалкхен хьалхарча вице-премьера Фурсов Олега беча хоамах, мехка экономика промышленни даькъ тӀа дикача оагӀорахьа Ӏаткъаш я. Цо белгалдир, цунна дола бахьан да, болх ца беш лаьтта объекташ болх бе йолаялар.

Карарча хана ГӀалгӀай Республике итташ промышленни предприятеш болх бе йолаеннай, цар луш бола пайда совбоалаш боагӀа.

Иштта белгалдир, керда гIирсаш а, таханарча ханара технологи а юкъеяккхарах, къахьегама овсарле гуш хилар. Керда болх бе йолаеннача моттигаша, таханарча дено дӀадехаш дола товараш арахецарал совгӀа, республика бахархошта хьабе болх а хулийтаргба.

Цул совгӀа, республикан кулгалхоша дӀахьош йолча политиках шоай доалахьара хӀама хьадоладеш бола нах дукхагӀа тешаш ба, уж хьалхагӀа санна хӀанз къайлагӀа ца леладе хьож шоаш деш дар.

Республике дукхагӀа ба зIамигача а юкъерча а предпринемателашка гIолла балха оттараш, дукхагӀа я ГӀалгӀай Республике дIаязъяь МСП йола моттигаш. Цо хьагойт законага хьежжа нах баха кийча хилар, республика дегӀаяра йола йоал яла уж кийча хилар. Из деррига дикача оагӀорахьа Ӏаткъаш да, хьалхарча вице-премьера яхачох, промышленность дегӀайоалаяра.