«Из дешара гIишло хьалъеш яр «Балторг» яхача OOO «Торгови центро». Хоза хьалъяьча ишколе эшаш мел дар да. ГIирсаш, лорий новкъостал дара йола кабинет, кхача кийчбу моттиг, из деррига а таханарча дено дIадеххача беса тоадаь, кийчдаь да», — аьлар гIишлонхоша.

Из керда гIишло хьалъяро таро хулийтаргья дешархошта луш бола кхетам лакхача боараме хилийта. Укхаза къахьийгараш ба бехктокхаме болхлой, йиллача хана болх йисте а бьккхар цар.

НийсагIа аьлча, ах шера баь баьккхар цар лоархIамегIбола болх. Бераш дийша а, хьаькъал долаш а, унахцIена а хургдолаш; мел эшаш дола хьалаш цу чу долаш да.

ГIишлон даькъ тIа берашта ловза шортта моттиг я, цига эшаш мел йола спортивни оатхалаш Iалашъяьй. Кхыметтел укхаза дIалаьрхIад сиха лелаш боацарашта мел эшаш дола хьалаш а.

Говзанчаша белгалду, керда берий бешамаш, ишколаш, социальни урхаленаш хьалъеш хиларо хьагойташ хилар тахан ГIалгIайче нийсача наькъ тIа йолга.