«Из дIаяхьара маIан дар, Сийлахь — Даймехка тIема ветеранашта карагIдаьннар, массехк шерагIа, довзийтар, моастагIчунгара Котало яьккхача цу тIема ветераний сий дар». Цу кхетаче иштта, ха таро хилар студенташта тIемаца дувзаденнар мел довзаш да, цар цунна малагIа мах оттабу. Сийлахь — Даймехка тIом бодаш хинна шераш малагIаш да, малагIча йоккхийча шахьарашка, моастагIа юха тохаш латаш хиннаб вай бIухой, иштта кхы дукха хаттараш а чудоагIаш дар, студенташта хой хьожаш, хьалхашка оттадаь декхар. Цу юкъе дикагIа кхеташ вола студент белгалваьккхар, планшет а луш. Из вар Мержой Батухан.

Цул совгIа, цу хаттарашта жоп луш, дукхагIа дакъалоацаш хиннараш а биссанзар, совгIаташ ца луш.

Студенташта дукха дайзар вай ветеранех лаьца: царна тIем тIа нийсъенна халонаш а яйзар, уж цIаккха а йицъе йиш йоацилга а кхетадир«, — аьлар «Сердало» газетага колледжа студенташа.

Цу тайпара мероприяти дIаяхьар бахьан дар, царна лерттIа кхетам балар, дIахо йодача хана, цар боккхагIбараш лоархIаргболаш, тIемахой сийдергдолаш.