«Даьхен лорбой» яхача ганза филиале, толашагӀа бола болхлой белгалбеш, кхетаче хилар
04.08.2025 13:12
ЛоархӀаме кхетаче дӀайихьар «Даьхен лорбой» яхача ганза филиале. Филиала кулгал деча Оздой Муслима ГӀалгӀай паччахьалкхен 100 шу дизарах йола майдилгаш елар шоай моттигашка белгалбаьннача болхлошта. «Ганза болх тоабеча наькъ тӀа къахьегаш бола болхлой тахан лоархӀаме ба. Шоай декхараш боаггӀача боараме кхоачашдаьраш майдилгашца белгалбаро хьагойтар, Даьхен гӀулакхаш кхоачашдара тӀехьа къахьегар мел лоархӀаме да», - дийцар «Сердалога» цу моттигера.
Белгалбаьрашта юкъе ва тха балхара новкъост, «ГӀалгӀайче» яхача газета керттера редактор Хамхой Рашид. Майдилг хьаэцаш, доккха баркал аьнна, тахан СМИ дӀахьош бола болх моттигерча бахархошца массахана бувзаме хилара тӀехьа лоархӀаме болга белгалдир цо.
